किरण भुजेल र समीक्षा अधिकारीको स्वर रहेको ‘ब्रेक अप गरौँला’ बोलको गीत रिलिज भएको छ । गीतमा तिलक चन्दको शब्द र कृष्ण भारद्वाजको संगीत रहेको छ । गीतलाई जीवन बडूले एरेन्ज गरेका हुन् । ७ महिना अगाडि रिलिज भएको गीत ‘माया गरौंला’ हिट भएपछि निर्माणपक्षले यसैको दोश्रो भाग ‘माया गरौंला २ (ब्रेक अप)’ रिलिज गरेको हो । गीतको भिडियोमा पुष्प खड्का, वर्षा राउत, सागर लम्साल ‘बले’ र आँचल शर्माको अभिनय देख्न सकिन्छ । गीत अनुसारको भिडियोमा झगडा परेपछि एकले अर्कोलाई पकाउने प्रयास गरेको देख्न सकिन्छ । भिडियोमा बलेले आँचलसँग र पुष्पले वर्षासँग ब्रेक अप मागेको छन् । सरोज ओलीको निर्देशनमा बनेको भिडियोलाई बिक्रम स्वारको कन्सेप्ट कोरियोग्राफी रहेको छ भने नवराज उप्रेती र उनको टिमले खिचेका छन् । भिडियोलाई सुवर्ण दुलालले सम्पादन गरेका छन् ।