गायिका समीक्षा अधिकारी आफ्ना भावनाहरू पोख्न सामाजिक सञ्जालको सहारा लिइरहन्छिन् । हाल जारी मुद्दाको विषयमा पनि पहिलोपटक सामाजिक सञ्जालमार्फत नै रहस्य खुलाएकी थिइन् ।

बीचमा केही समय सामाजिक सञ्जालदेखि मिडियाबाट पनि टाढा रहेकी अधिकारी पछिल्लो समय पुनः सामाजिक सञ्जालमा सक्रिय हुन थालेकी छिन् । करिब दुई महिनाभन्दा लामो समय यसबाट टाढा रहेकी उनले अप्रिल २८ मा कसैको लागि आफू हार्न तयार भएको भन्दै स्टाटाससहित सञ्जालमा कमब्याक गरेकी थिइन् ।

त्यसपश्चात् आइतबार उनले अर्को भावुक स्टाटस लेख्दै आफ्नो भावना पोखेकी छिन् । हर कोहीको नजरमा राम्रो बन्न त सकिँदैन । बस् आफ्नो नजरबाट चाहिँ कहिल्यै गिर्न नपरोस् केही सोच्दै एकोहोरिरहेको आफ्नो फोटो सेयर गर्दै उनले यी कुराहरू लेखेकी हुन् ।

गायिका अधिकारीको यस स्टाटसमा कमेन्ट गर्दै धेरैले उनलाई सबै ठीक हुँदै जाने भन्दै ढाडस अनि शुभेच्छा दिइरहेका छन् ।