दोलखा । दोलखाको कालिञ्चोक गाउँपालिका भएको आगलागीमा ९ घर जलेका छन् । कालिञ्चोक वडा नम्बर ९ कटुवाचौरमा बुधबार राति भएको आगलागीमा परी ९ घर जलेर पूर्णरुपमा नष्ट भएका छन् भने चार करोड मूल्य बराबरको क्षति भएको प्रारम्भीक अनुमान गरिएकोे छ ।

राति करिब ११ बजे स्थानीय रुद्रबहादुर ओलीको घरबाट सुरु भएको आगलागी नेपाल प्रहरी,नेपाली सेना,सशस्त्र प्रहरी,स्थानीयलगायतको पहलमा नियन्त्रणमा आएको हो।
आगलागीबाट तीन पक्की घर र ६ वटा जस्ताको टहरा पूर्णरुपमा नष्ट भएको प्रहरी नायव उपरीक्षक गंगा पौडेलले बताउनुभयो । आगलागीमा परी केही चौपाया तथा पसल पूर्णरुपमा नष्ट भएको स्थानीयले बताएका छन् ।

नेकपा एमालेको तर्फबाट प्रतिनिध सभा सदस्य इश्वरी रिजालले विज्ञप्ति जारी गर्दै आगलागी पीडितलाई तत्काल राहत र पुर्नवासको व्यवस्था गर्न संघीय तथा प्रदेश सरकारसँग माग गर्नुभएको छ ।