काठमाडौं । अभिनेत्री करिश्मा मानन्धरले सिन्धुपाल्चोकका बाढीपीडितका लागि राहतस्वरुप एकलाख रुपैयाँ प्रदान गर्ने भएकी छिन् । बाढी प्रभावितलाई सघाउन बरिष्ठ अभिनेता कृष्ण मल्ल संयोजकत्वमा गठित कलाकारको समितिलाई करिश्माले सहायता उपलब्ध गराउने बताएकी हुन् ।सामाजिक संजाल फेसबुकमार्फत करिश्माले अन्य कलाकारलाई पनि खडा गरिएको कोषमा सहयोग गर्न आग्रह गरेकी छिन् । संकलन हुने रकम १० गते आयोजना हुने कार्यक्रममा बाढी पीडितलाई प्रदान गरिने भएको छ ।शनिबार स्वास्थ्यमन्त्री शेरबहादुर तामाङको उपस्थितीमा गठन भएको उक्त समितिले बाढी प्रभावित सिन्धुपाल्चोकको भत्किएका संरचना पुनःनिर्माणका लागि सहायता आह्वान गर्ने भएको छ ।आगामी १० गते बस्ने बैठकमा बाढी प्रभावित सिन्धुपाल्चोकलाई सघाउन कलाकारहरुले थप योजना सार्वजनिक गर्ने भएका छन् ।