काठमाडौं । कैलालीमा आमाछोरी मृत अवस्थामा भेटिएका छन्। गोदावरी नगरपालिका(११ गोठानकी २३ वर्षीया नीरा कामी र उनकी २ वर्षीया छोरी प्रिन्सी कामी मृत फेला परेकी हुन्। जिल्ला प्रहरी कार्यालय, कैलालीका अनुसार बिहीबार बेलुका आफ्नै घरमा झुण्डिएको अवस्थामा मृत फेला परेका हुन्। आफू सुत्ने कोठामा आमा र छोरी मृत फेला परेको डीएसपी कबिन्द्रसिंह बोहराले बताए। उनका अनुसार आमाले काठको बल्लीमा डोरीले पासो लगाएको अवस्था थियो। झुण्डिएको देखेपछि मृतकका देबरले छिमेकी र प्रहरीलाई खबर गरेका थिए। प्रहरी घटनास्थल पुग्दा छिमेकीले छोरी प्रिन्सीको पासो फुकालिसकेका थिए। मृतकका श्रीमान् रोजगारीका सिलसिलामा भारतमा छन्। घटनाका बेला उनकी सासू पनि घरमा नभएको पाइएको प्रहरीले जनाएको छ। शव पोस्टमार्टमका लागि सेती प्रादेशिक अस्पतालमा राखिएको प्रहरीले जनाएको छ।