काठमाडौं । चीनमा महामारीको रुप लिइरहेको कोरोना भाइरसको संक्रमण अन्य १६ वटा मुलुमा समेत फैलिएपछि विश्व स्वास्थ्य संगठनले पूरा विश्वलाई साबधानी अपनाउन आह्वान गरेको छ । विश्व स्वास्थ्य सङ्गठन डब्लुएचओको स्वास्थ्य आपत्‌काल कार्यक्रमका प्रमुख डा। माइक र्‍यानले घातक भाइरसकाबिरुद्ध चीनले चालेका कदमहरु प्रशंसनीय भए पनि त्यसबाट अन्य मुलुकहरु पनि प्रभावित हुन सक्ने खतरा बिद्यमान रहेको औंलाएका छन ।
कोरोना भाइरसले विश्वव्यापी आपतकालीन अवस्था निम्त्याएको हो कि होइन भन्ने निर्क्यौल गर्न डब्लुएचओले बिहिबार बैठक समेत आह्वान गरेको छ ।
त्यसअघि स्विट्जरल्याण्डको जेनेभामा बोल्दै डब्लुएचओका महानिर्देशक टेड्रोस एड्हानोम गहब्रहयससले चीनमा कोरोनाको संक्रमणबाट मृत्यु हुनेको संख्या बढ्दै जानुले भयावह अवस्थाको संकेत गरेको बताएका छन ।
डब्लुएचओका डा. माइक र्‍यान । उनले भने ‘अन्य मुलुकमा कोरोनाको संक्रमण देखिए पनि संक्रमितको संख्या खासै धेरै छैन, तर अवस्था भने चिन्ताजनक नै हो ।’ कोरोनाका कारण सङ्क्रमितहरूको सङ्ख्या ७ हजार भन्दा बढी छ भने मृत्यु हुनेको संख्या १७० पुगेको डब्लुएचओले जनाएको छ ।
सङ्क्रमित प्रत्येक पाँच जनामध्ये एक जनामा न्युमोनियाजस्ता गम्भीर समस्या समेत देखिएका छन्। चीनबाहिर १६ देशमा यसको सङ्क्रमण पाइएपछि डब्लुएचओले चेतावनी दिदै साबधानीका लागि अपिल गरेको हो ।