काठमाडौं । गोरखाको चुमनुब्री गाउँपालिकाको अध्यक्ष र उपाध्यक्ष दुबै पदमा माओवादी केन्द्रका उम्मेदवार विजयी भएका छन्। योसँगै माओवादीले गोरखाका ११ मध्ये ९ पालिकामा जित हात पारेको छ। निर्वाचन आयोगले सार्वजनिक गरेको अन्तिम मतपरिणाम अनुसार चुननुब्री गाउँपालिकाको अध्यक्षमा माओवादीका निमा लामा विजयी भएका हुन्।
उनले १ हजार ६२४ मत ल्याउँदा कांगेसका धनबहादुर गुरुङले १ हजार ३११ मत पाए। गाउँपालिकाको उपाध्यक्षमा पनि माओवादी केन्द्रकै लक्ष्मी गुरुङ विजयी भएकी छन्। उनले १ हजार ५६५ मत प्राप्त गर्दा कांग्रेसकी छोकी लामाले १ हजार ३ सय ७ मत प्राप्त गरेकी छन्। ७ वडा रहेको चुमनुब्री गाउँपालिकामा २०७४ को निर्वाचनमा कांग्रेसले अध्यक्ष र उपाध्यक्षमा माओवादी केन्द्रले जितेको थियो। जनयुद्धको प्रभावक्षेत्र मानिने गोर्खामा डा।बाबुराम भट्टराईविनै माओवादीले आफ्नो अवस्थामा व्यापक सुधार गरेको छ।
भट्टराई तत्कालिन एमाओवादीबाट अलग भएपछि ओरालो लाग्न थालेको माओवादी केन्द्रले दोस्रो स्थानीय तह निर्वाचनसँगै गोरखामा गजबसँग ‘कमब्याक’ गरेको छ।