पर्वत । कुश्मा नगरपालिका–२ अर्मादी क्षेत्रमा प्राकृतिक रुपमा उम्रेका करिब ४ सय गाँजाका बोट मंगलबार प्रहरीले काटी उखेली नष्ट गरेको छ । समुदाय–प्रहरी साझेदारी कार्यक्रम अन्तर्गत जिल्ला प्रहरी कार्यालय पर्वतबाट खटिएको प्रहरी, सामुदायिक प्रहरी सेवा केन्द्रका पदाधिकारी, कुश्मा नगरपालिका–२ का वडा सदस्य, जनचेतना आमा समूहकी अध्यक्ष, स्थानीय अग्रसर युवा क्लवका अध्यक्ष र स्थानीयबासीको सहभागितामा उक्त गाँजाका बोट नष्ट गरिएको हो ।