काठमाडौं । नेपालको श्रोत लुट्ने र विदेशमा लगानी गर्ने प्रतिस्पर्धीहरूलाई सरकारले अब ०८२÷८३ को बजेटबाट राहत दिएको छ । गरिब देशका धनी नेता र उत्पादन गरेर कर छल्ने व्यवसायी भएको देशको राष्ट्रियता बच्नैन, सार्वभौम अखण्डता जोगिँदैन । कम्युनिष्ट पार्टी श्रमजीवी वर्गको पक्षपाती काँग्रेस हरेक क्षेत्रमा समाजवादको बाटोमा हिँड्छ भन्ने चर्चा पुरानो भयो ।
नेपाल कम्युनिष्ट राज्यश्रोत दोहन गर्न सफल छन् भन्ने कुरा नेकपा एमाले र त्यो पार्टीका नेताको रहन सहन, बोली व्यवहार हो । एमाले कुनै पनि नेताले पैत्रिक सम्पत्ति बेचेर राजधानीमा घर र पजेरो खरिद गरेका होइनन् । त्यो रोग काँग्रेसबाट सरेको हो । प्रधानमन्त्री केपी ओलीको बालकोट दरबार होस् वा शेरबहादुर देउवाको बुढानिलकण्ठ दरबार राज्यको श्रोत दोहनले बनेका हुन् ।
पूर्व प्रमका नाताले आफ्नो सुविधाका लागि आफैंले ऐन बनाएर देश लुट्न सफल नेतृत्वले गरिब देशको जनतासँग जबर्जस्त लिएको करबाट उद्योग खोल्दैनन् । रोजगारी बढाउँदैनन्, भएका उद्योग निजीकरण गर्ने बेरोजगारहरूसँग पैसा अशुल्ने कहिले नक्कली भुटानी शरणार्थी त कहिले भिजिट भिसामा विदेश पठाउँदा मच्चाएका लुटका बारेमा सुन्ने निकाय छैन । काँग्रेसको युवा आशा लाग्दो नेता महामन्त्री गगन थापाले जर्मनमा होटलमा लगानी गरेको कुरा गैर आवासाीय नेपाली संघ युकेका अध्यक्ष प्रेम गाहा मगरले बताएका छन् । उनले गगन, सभामुख र राष्ट्रपतिलाई जोडेका छन् । प्रधानमन्त्री केपी ओलीकै कम्बोडिया टेलिकममा लगानी भएको समाचार आयो । थापाको जर्मनमा ५ अर्ब यो पैसा एनसेलको घुस हो ।
नेपालमा एनसेल कम्पनीको ३६ अर्ब राजश्व तिर्दैन । त्यसका मालिक शतिलाल गुरुवाचार्य कम्बोडिया टेलिकमका लगानीकर्ता छन् । नेपालको कर छल्न प्रधानमन्त्री ओलीले नै सघाएका कारण एनसेलले कम्बोडिया टेलिकमको शेयर केपी ओलीलाई दिन सक्ने आधार प्रशस्त छ । प्रधानमन्त्रीले यस पटक नेपालको राजश्व छलेर विदेशमा लगानी गर्नेहरूलाई सहज वातावरण बनाइदिएका छन् ।