काठमाडौँ । आइएमई पे मार्फत ग्राहकहरूले सजिलैसँग ट्राफिक जरिवाना तिर्न मिल्ने सुविधा थपिएको छ। ग्राहकहरूलाई विभिन्न सेवाहरुको सहज भुक्तानी सेवा प्रदान गर्दै आएको आइएमई पे एपबाट अब सरकारी तहमा गर्नुपर्ने भुक्तानी, जस्तै कर भुक्तानी, लोक सेवाको भुक्तानी, ट्राफिक जरिवाना भुक्तानी गर्न सकिनेछ। ट्राफिक जरिवाना तिर्नका लागि ग्राहकहरूले आइएमई पेको एपमा गवर्नमेन्ट सेवामा गई सुचीमा देखाइएको ट्राफिक फाइनमा गइ मागिएको विवरण भरेर सजिलैसँग जरिवाना तिर्न सक्ने जनाईएको छ।