काठमाडौं । पैसा पाएपछि देशको सार्वभौमिकता र राष्ट्रिय अखण्डतामाथि प्रहार गर्न पछि नपर्ने अपराधीले शासन गर्दा नेपाली जनताले पीडा भोग्छ । नागरिकता जस्तो भरपर्दो र परिपक्व कागजलाई लत्याएर सरकारले गृहमन्त्रालयमार्फत् राष्ट्रिय परिचयपत्र जबर्जस्त लादिए जस्तै नेपाल वर्ण अंकित गाडीको नम्बरलाई इम्बोस्ड नम्बर राख्न जबर्जस्त लगाउने काम भएको छ । यी दुवै काममा सरकारले गरेको अरवौं लगानीबाट कमिशन खाने काँग्रेसी कुलायन डा. आरजु हुन् ।
सरकारले देशको पहिचान मेटाउने गरी सवारी साधनहरूमा जबर्जस्ती इम्बोष्ड नम्बर राख्दा त्यहाँ नेपाली वर्ण अक्षर हुँदैन । जसरी राष्ट्रिय परिचयपत्रबाट व्यक्तिको गोपनियता राख्दैनथ्यो । तर स्वार्थमा ल्याइएका यस्ता प्रोजेक्टबाट मोटाउनेका विरुद्ध खवरदारी गर्न जरुरी थियो । जन सरोकारका विषयमा सरकार चासो दिँदैन । विदेशीको स्वार्थका काममा बढी चासो दिने गरेको वर्तमान सरकारले राम्रो काम गर्दैन भन्नुको कारण यही हो ।
नेपालीले नेपालको पहिचान खोज्छ । शिरकोशोभा ढाकाटोपी र पोशाकमा दौरा सुरुवाललाई राष्ट्रिय पोशाक मान्नुको कारण देशको चिनारी हो, तर राज्य सञ्चालकहरू जनतालाई गाडी चलाउने अनुमतिपत्र पैसा तिर्दा पनि दिँदैन । सवारी साधनहरूमा इम्बोस्ड नम्बर प्रयोग गर्न जबर्जस्ती गर्दैछन् । अदालतलाई समेत सत्ताको आदेश पर्याप्त हुन्छ । प्रशासनले माथिको आदेश भनिदिए हुन्छ । यस्तो आदेश र फैसलाहरूले नेपाली स्वाभिमान गुम्ने कुरामा सचेत हुन जरुरी छ । राजनीतिक तहमा यस्ता अपराध एमाले र काँग्रेसबाट धेरै भएका छन् । देशको गरिमा, राष्ट्रको शिर उठाउने हो भने भाषा आन्दोलनकर्ताले ख्याल गर्नुपर्छ । भाषा संरक्षणको जिम्मा लिएको प्रज्ञा प्रतिष्ठान र भाषा आयोगहरूले सरकारको जबर्जस्ती करणमा खवरदारी गरेको सुनिँदैन । नेपाली भाषा र संस्कृतिमाथि प्रहार गर्ने विदेशी हण्डीबाट चलेका छन् । प्रधानमन्त्रीले तिनैलाई चिन्छन् । आज लोकतन्त्रमाथि सरकारले नै प्रहार गरेको छ । त्यो सरकारमा देशको अस्मिता बेचेर आफू धनी भएका भ्रष्टाचारीहरू छन् ।