काठमाडौं । नेपालमा कोरोना संक्रमित बढ्ने क्रममा छन् । फेरि थप ७ जनामा कोरोना संक्रमण देखिएको छ । बाँकेको नेपालगञ्जमा थप सात जना कोरोना संक्रमित भेटिएका हुन् । यससँगै नेपालमा कोरोना भाइरसबाट संक्रमित भएकाहरुको संख्या ८२ पुगेको स्वास्थ्य तथा जनसंख्या मन्त्रालयले जनाएको छ । नयाँ सातै जना संक्रमित बाँकेको नेपालगञ्ज उपमहानगरपालिका वडा नम्बर ८ का हुन् । मन्त्रालयका सहप्रवक्ता समिर कुमार अधिकारीका अनुसार चार जना महिला र तीन जना पुरुषमा संक्रमण पुष्टि भएको छ ।