काठमाण्डौ । विश्व महामारीको रुपमा देखा परेको कोरोनाको दोस्रो लहरमा भारतमा विध्वंश मच्चाउने डेल्टा भेरियन्ट अब थप खतरनाक डेल्टा प्लसमा बदलिएको छ । भारतमा कोरोनाका बिरामीलाई दिइँदै गरेको मोनोक्लोनल एन्टीबडीज ककटेल यो भेरियन्टमाथि निस्प्रभावी हुनसक्ने वैज्ञानिकले आशंका गरेका छन् । भारतको अंग्रेजी वेबसाइट टाइम्स अफ इन्डियाले यसबारे जानकारी दिएको हो ।

मानोक्लोनल एन्टीबडीज ककटेललाई भारतमा मेको सुरुवातमा आपतकालीन मञ्जुरी दिइएको थियो ।बेलायतको स्वास्थ्य संस्था पब्लिक हेल्थ इंगल्याण्ड पीएचईलाई उद्धृत गर्दै टाइम्स अफ इन्डियाले आफ्नो रिपोर्टमा दिएको जानकारी अनुसार डेल्टा भेरियन्टका ६३ जिनोम नयाँ​ म्यूटेशन सहित देखिएको छ । पीएचईका अनुसार डेल्टा भेरियन्टमा परिवर्तन रुटिन जाँचको क्रममा डेल्टा प्लसबारे पत्ता लागेको हो । कोभिड भेरियन्ट्सको विषयमा पीएचईको पछिल्लो रिपोर्टका अनुसार भारतमा ७ जूनसम्म डेल्टा प्लस भेरियन्टका ६ संक्रमित भेटिइसकेका थिए ।

दिल्लीको इन्स्टिच्युट अफ जिनोमिक्स एण्ड इन्टिग्रेटिव बायोलोजीका डा. विनोद स्केरियाका अनुसार म्युटेशनको विषयमा महत्वपूर्ण चिन्ता यो हो कि यसको एन्टीबडी ककटेलविरुद्ध रेजिस्टेन्ट भएको प्रमाण भेटिएका छन् । उनका अनुसार यद्यपि, भारतमा​ न्यूटेशन फ्रिक्वेन्सी धेरै छैन । मोनोक्लोनल एन्टीबडीज ककटेल क्यासिरिविम्याब र इन्डेविम्याबबाट बनेको हो । यसलाई फर्मा कम्पनी सिप्ला र रोश इन्डियाले मिलेर बनाएको हो । भारतमा यसलाई कोरोनाको उपचारका लागि आपतकालीन प्रयोगका लागि मेमा मञ्जुरी दिइएको थियो । यसले अमेरिका र युरोपियन युनियनमा आपतकालीन प्रयोगका लागि दिइएको डाटाको आधारमा सेन्ट्रल ड्रग्स स्ट्यान्डर्ड कन्ट्रोल अर्गनाइजेशनबाट अनुमति पाएको थियो ।