काठमाडौं । नेपाली काँग्रेसका प्रवक्ता समेत रहेका नेता विश्वप्रकाश शर्मालाई कोरोना संक्रमण भएको छ । हिजो संक्रमण पुष्टि भएपछि डेरामै आइसोलेशनमा बसेर उपचार गराइरहेका उनले अस्वस्थताको कारण २ साताका लागि प्रवक्ताको सक्रिय भूमिकाबाट बिदा लिएको उल्लेख गरेका छन् । उनले भने अस्वस्थताका कारण दुइ साताका लागि प्रवक्ताको सकृय जिम्मेवारीबाट बिदा लिएको छु । प्रेस, पार्टी र शुभचिन्तकहरुसँग क्षमा चाहन्छु । चाँडै नै पूर्ण स्वस्थ भएर पूर्ण जाँगरका साथ मैदानमा फर्किनेछु । विभिन्न माध्यमबाट शुभेच्छा प्रकट गर्नुहुने सबै मित्रप्रति हृदयले आभारी छु, धन्यवाद ।