काठमाडौं । नेपाल धितोपत्र बोर्डले धितोपत्र दर्ता तथा निष्कासन नियमावलीको आधारमा बुक बिल्डिङ्ग निर्देशिका २०७७ कार्यान्वयनमा आएसँगै सर्वोत्तम सिमेन्टले उक्त विधिबाट आईपीओ निष्कासन गर्ने तयारी गरेको छ । कम्पनीले बुक विल्डिङ विधिबाट आईपीओ निष्कासन गर्नुपूर्व आधार मूल्य तय गर्न योग्य संस्थागत लगानीकर्तासँगको छलफलमा आशय मूल्य माग गर्नुपूर्व आफ्नो मूल्य सार्वजनिक गरेको छ ।

कम्पनीले भ्यालुएसन गराएर ७५० रुपैयाँको मूल्य प्रस्तावसहित योग्य संस्थागत लगानीकर्तासँग छलफलमा जाने तयारी गरेको कम्पनीको प्रमुख कार्यकारी अधिकृत भरतबाबु दाहालले बताएका छन् ।