काठमाडौं । बुधबार सुनचाँदीको मूल्य ह्वात्तै बढेर नयाँ रेकर्ड कायम गरेको छ । सुन प्रतितोला २ हजार रुपियाँ र चाँदी प्रतितोला ४० रुपियाँ बढेको हो ।
नेपाल सुनचाँदी व्यवसायी महासंघका आज छापावाल सुन प्रतितोला १ लाख ११ हजार रुपियाँ र तेजावी सुन प्रतितोला १ लाख १० हजार ४ सय ५० सय रुपियाँमा कारोबार भइरहेको छ ।
त्यसैगरी चाँदी प्रतितोला प्रतितोला १ हजार ४ सय ४० रुपियाँमा कारोबार भइरहेको महासंघले जानकारी दिएको छ ।
सुन गत चैत्र ५ गते प्रतितोला १ लाख १० हजारमा कारोबार भएर नयाँ रेकर्ड कायम भएको थियो भने आज उक्त रेकर्ड तोडिएर नयाँ रेकर्ड कायम भएको हो ।
अन्तराष्ट्रिय बजारमा भाउ ह्वात्त बढेपछि त्यसैको प्रभाव नेपाली बजारमा पनि देखिएको महासंघले जानकारी दिएको छ ।