तपाईं आफ्नो अनुहारमा ग्लो चाहनुहुन्छ भने फेस क्लिनिङ अथवा फेसियलले केही पनि हुनेवाला छैन । वर्कआउटमा मात्र एउटा उपाय हो । एक्सरसाइज गर्नाले तपाईंको ब्लड फ्लो बढ्छ र छालाले प्रसस्त अक्सिजनसमेत पाउँछ । त्यसैले ट्रेडमिलमा चढौँ र वर्कआउट गर्न थालौँ ।
सही खाना ः आफ्नो खानामा प्रसस्त फलफूल तथा साग–सब्जीहरूलाई समावेश गर्नै पर्छ । भिटामिन– ए, सी तथा भिटामिन– ईयुक्त खानेकुराहरू अत्यधिक मात्रामा खानुपर्छ । ती खानेकुराले तपाईंको छालालाई आकर्षक बनाउने छन् ।
प्रसस्त पानी पिउनुपर्छ ः हामीलाई थाहा छ, यो तपाईंका लागि नयाँ कुरा होइन । यद्यपि पानी तपाईंको शरीरका लागि अमृत हो, यो सत्य कुरा हो । यदि तपाईंले दिनमा दुई लिटर पानी पिउन सक्नुहुन्न भने कम्तीमा त्यति पानी पिउनुहोस्, जति पिएपछि तपाईंलाई प्यास नलागोस् ।
सनब्लक ः सनब्लक तपाईंको छालालाई सूर्यको हानिकारक किरणहरूबाट बचाउनु अनिवार्य छ । यो अल्ट्रा भ्वाइलेट किरणहरू छालाको क्यान्सर तथा उमेरभन्दा अघि नै वृद्ध देखिने कारणसमेत बन्न सक्छ । बाहिर निस्कनुभन्दा १५ मिनेट पहिले नै सनब्लक क्रिम लगाउनुपर्छ ।
मोइश्चराइज ः छालालाई मोइश्चराइज गर्नु स्किन रुटिनको महत्वपूर्ण पक्ष हो । यसले तपाईंको छालालाई पर्याप्त नरम तथा मुलायम बनाउँछ । आफ्नो छालाको प्रकारअनुसार सही बडी लोसन छनोट गर्नुपर्छ ।