काठमाडौँ । अमेरिकी विदेश मन्त्रालयले मध्यपूर्व क्षेत्रमा तनाव बढ्दै जाँदा ‘गम्भीर सुरक्षा जोखिम’ भन्दै अमेरिकी नागरिकलाई तुरुन्तै व्यावसायिक उडान प्रयोग गरेर ती देशहरु छोड्न आग्रह गरेको छ। मार्च २ मा जारी गरिएको सुरक्षा अपडेटमा, विभागले बहराइन, इजिप्ट, इरान, इराक, इजरायल, वेस्ट बैंक र गाजा, जोर्डन, कुवेत, लेबनान, ओमान, कतार, साउदी अरेबिया, सिरिया, युएई र यमनमा रहेका अमेरिकीलाई ‘अब व्यावसायिक माध्यमबाट’ देश छोड्न सल्लाह दिएको हो । खलीज टाइम्सका अनुसार, क्षेप्यास्त्र प्रहारसँगै इरान र यसका क्षेत्रीय विरोधीसँग सम्बन्धित बढ्दो सैन्य गतिविधि सहितको शत्रुतामा तीव्र वृद्धिपछि क्षेत्रीय अस्थिरता बढेको बताइएको छ । खाडी र मध्य पूर्वका सरकारहरूले हालैका दिनहरूमा सतर्कता स्तर बढाएका छन्, जबकि हवाई अवरोध र सुरक्षा घटनाहरूले चिन्ताहरू थपेको छ । विदेश विभागले भनेको छ, प्रस्थानको व्यवस्था गर्न सहयोग चाहिने अमेरिकीहरूले विदेशबाट वा संयुक्त राज्य अमेरिका र क्यानडा भित्रबाट यसको २४ घण्टा आपतकालीन लाइनहरूमा सम्पर्क गर्न सक्छन् ।