काठमाडौं। नेपाली कांग्रेस केन्द्रीय कार्यसमितिको बैठक आज पनि बस्नेछ। बिहीबारदेखि सुरु भएको केन्द्रीय कार्यसमितिको बैठक पुस १३ गते बिहान ११ः०० बजे पार्टीको केन्द्रीय कार्यालय, सानेपामा जारी रहने भएको हो। सभापति शेरबहादुर देउवाको सभापतित्वमा पार्टीको केन्द्रीय कार्यालय बिपी स्मृति भवन बिपी नगर ललितपुरमा बसिरहेको बैठकमा हिजो महामन्त्री विश्वप्रकाश शर्माले बैठकमा प्रस्तावहरु प्रस्तुत गरेका थिए भने समुदायमा कांग्रेस अभियानको कार्ययोजनाका सम्बन्धमा महामन्त्री गगनकुमार थापाले र जाजरकोट भूकम्पका सम्बन्धमा सहमहामन्त्री जीवन परियारले बैठकमा जानकारी गराएका छन। हिजोको बैठकमा केन्द्रीय सदस्यहरु दिलेन्द्रप्रसाद बडू, कृष्णचन्द्र नेपाली पोखरेल, दिपक गिरी, मीनबहादुर विश्वकर्मा, मोहनबहादुर बस्नेत, देवेन्द्रराज कँडेल, डा। डिला संग्रौला, कर्णबहादुर बुढा, राजीव कोइराला, नैनसिंह महर, मुक्ताकुमारी यादव, रंगमती शाही, मदनकृष्ण श्रेष्ठ, भरतकुमार शाह, सीतादेवी देवकोटाले आ(आफ्नो धारणा राखिसकेका छन्। आजको बैठकमा बाँकी केन्द्रीय सदस्यहरुले धारणा राख्नेछन्। बिहीबार बोल्ने अधिकांश सदस्यले नयाँलाई अवसर दिन र पटक(पटक अवसर पाएका तथा चुनाव हारेकालाई राष्ट्रिय सभा सदस्यको उम्मेदवार नबनाउन नेतृत्वसँग माग गरेका छन्। उनीहरूले अवसर नपाएका अनुभवी र विज्ञलाई उम्मेदवार बनाउन पार्टी सभापतिलाई आग्रह गरेका हुन्। बैठकमा महासमिति बैठक तयारी, समसामयिक राजनीतिक घटनाक्रम, सरकारको एक वर्षे समीक्षा र कांग्रेसबाट मन्त्री भएकाहरूका कार्यसम्पादनका अवस्था, जाजरकोट भूकम्पपछि पार्टीले गरेका कामका समीक्षा, समुदायमा कांग्रेस, मेलमिलाप दिवसको एजेण्डा छ ।