काठमाडौं । काठमाडौं महानगरपालिका(३२ नरेफाँटबाट अवैध लागूऔषध गाँजा करिब १ किलो सहित कास्की पोखरा घर भई सोही ठाउँ बस्ने ३० वर्षीय प्रकाश गन्धर्व समेत २ जनालाई मंगलबार राति प्रहरीले पक्राउ गरेको छ । महानगरीय प्रहरी प्रभाग कोटेश्‍वरबाट खटिएको प्रहरीले उक्त लागूऔषध सहित फेला पारी उनीहरुलाई पक्राउ गरेको हो । बारा, कलैया उपमहानगरपालिका(६ पर्सा टोलस्थित होटलबाट अवैध लागूऔषध चरेश ८ दशमलब ५ किलो सहित मोतिहारी लखाउ कुरैया बस्ने ३५ वर्षीय गुलाबी पासवानलाई बुधबार दिउँसो प्रहरीले पक्राउ गरेको छ । अस्थाई प्रहरी पोष्ट बसपार्कबाट खटिएको प्रहरीले जाँच गर्ने क्रममा उनको झोलामा उक्त परिमाणको लागूऔषध सहित फेला पारी पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको छ ।