काठमाडौँ। नेपाली बजारमा सुनचाँदीको मूल्य लगातार बढ्दै गइरहेको छ। मंगलबार सुनको मूल्य प्रतितोला १ लाख ५ हजार ७ सय रुपैयाँ कायम भएको छ। आज सुनको मूल्य प्रति तोला १ हजार ६ सय रुपैयाँले बढेर १ लाख ५ हजार ७ सय रुपैयाँमा कारोबार भईरहेको नेपाल सुनचाँदी व्यवसायी महासङ्घले जनाएको छ। सोमबार सुनको मूल्य प्रति तोला १ लाख ४ हजार १ सयरुपैयाँमा कारोबार भएको थियो। त्यस्तै, आइतबार सुनको मूल्य प्रति तोला १ लाख ३ हजार ५ सय रुपैयाँमा कारोबार भएको थियो। तिन दिनमा सुनको मूल्य ३ हजार ९ सय रुपैयाँले बढेको छ। यस्तै, तेजावी सुनको मूल्य तोलाको १ लाख ५ हजार २ सय रुपैयाँ निर्धारण भएको छ। यता, चाँदीको मूल्य प्रति तोला १ हजार ३ सय रुपैयाँ कायम भएको छ। चाँदीको मूल्य प्रति तोला ४५ रुपैयाँले बढेको छ। सोमबार चाँदी प्रति तोला १ हजार २ सय ५५ रुपैयाँमा कारोबार भएको थियो। महासङ्घले अन्तर्राष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ।