काठमाडौं । २५ डिसेम्बर अर्थात् क्रिश्चिन धर्मावलम्बीहरुका आदर्श पुरुष यशु ख्रिस्टको जन्मोत्सव नेपालमा रहेका क्रिश्चियन धर्मावलम्बीहरुले विविध कार्यक्रम गरी मनाएका छन् । यसै अवसरमा ललितपुरमा रहेको आराधना चर्चले पनि विविध कार्यक्रमसहित अन्तरधार्मिक सद्भावसहित प्रभु यशु ख्रिस्टको जन्मजयन्ती मनाएको छ ।

२०१७ सालमा स्थापित भएको मण्डलीहरूको जेष्ठ छाता संगती नेपाल राष्ट्रिय मण्डली सङ्गतिका अध्यक्ष समेत रहनु भएका सूर्य बल तामाङको अध्यक्षमा भएको सो कार्यक्रममा मसाजका लब्ध प्रतिष्ठित व्यक्तित्वहरुको उपस्थिति बाक्लो थियो । कार्यक्रममा बोल्दै राप्रपाका उपाध्यक्ष बुद्धिमान तामाङले धर्म निरपेक्षता भन्दा पनि धार्मिक सापेक्षताको आवश्यकता औल्याउनु भएको थियो । राप्रपालाई जसरी हेरिएको छ त्यो रुपमा पार्टी नरहेको र आफूहरुको माग धार्मिक सापेक्षता रहेको बताउनुभएको थियो ।