नेपालको लोकप्रिय कमेडी रियालिटी शो ‘कमेडी च्याम्पियन २’ की जज ऋचा शर्माले छाड्ने भएकी छन् । उनी आमा बन्ने समय नजिकिदै गर्दा ऋचाले सो छाड्ने भएकी हुन् । अहिले निर्णायकमा सन्तोष पन्त, मनोज गजुरेल, ऋचा शर्मा र प्रदिप भट्टराई रहेका छन् । उनीहरु पहिलो सिजनबाट नै यो शोको निर्णायकको रुपमा छन् । अहिले ‘कमेडी च्याम्पियन २’ अन्तिम ५ मा पुगिसकेको छ ।
शोका निर्देशक विशाल भण्डारीका अनुसार, आउँदो साता ऋचा शोमा उपस्थित हुनेछिन् । त्यसपछि उनी रियालिटी शोमा देखिने छैनन् ।