काठमाडौं । १६ जिल्लाका प्रहरी प्रमुख प्रहरी उपरीक्षक (एसपी) हरुको सरुवा प्रहरी प्रधान कार्यालयले गरेको छ । एक वर्ष कार्यअवधि पूरा भएका अधिकृतहरुलाई सरुवा गरिएको बताइएको छ । प्रहरी मुख्यालयले निकालेको सूची अनुसार भक्तपुर प्रहरी परिसरका प्रमुख सविन प्रधान पनि फेरिएको छ । उनको ठाउँमा एसपी तारादेवी थापालाई पठाइएको छ । जिल्ला प्रहरी कार्यालय सिराहाका उमाप्रसाद चतुरवेदीलाई प्रहरी प्रधान कार्यालय विशेष प्रहरी ब्यूरोमा सरुवा गरिएको छ । यसैगरी कास्कीमा प्रहरी प्रमुख एसपी दानबहादुर कार्की विशेष ब्युरोमा ल्याइएका छन् भने त्यहाँ जीवनकुमार श्रेष्ठ पठाइएका छन् । महोत्तरीमा टिका केसी, बाँकेमा ओमबहादुर राणा पठाइएका छन् । तनहुँमा अरुण पौडेल, धनकुटामा गोविन्द अधिकारी, डोटीमा जनकराज पाण्डेय, पूर्वी नवलपरासीमा दिपक रेग्मी, पाल्पामा दिपकराज खरेल, इलाममा नविनराज राई, कविलवस्तुमा नवराज अधिकारी, उदयपुरमा भिमबहादुर दाहाल, सुर्खेतमा राजेन्द्रप्रसाद भट्ट, मोरङमा सन्तोष खड्का र गोरखामा सुरेन्द्रबहादुर गुरुङ पठाइएका छन् ।

हेर्नुहोस् को कहाँ पुगे ?