काठमाडौं । गुल्मीको मुसिकोट नगरपालिका वडा नं १ का वडाध्यक्ष मोहन घिमिरे मृत अवस्थामा फेला परेका छन्। शुक्रबार घरबाट निस्किएर रातभर घर नफर्किएका घिमिरे घर नजिकैको रुखमा झुन्डिएको अवस्थामा मृत भेटिएको जिल्ला प्रहरी कार्यालय गुल्मीले जनाएको छ। उनले आत्महत्या गरेको प्रहरीको आशंका छ। उनले आत्महत्या गर्नु अघि फेसबुकमा स्टाटस पनि लेखेका थिए। उनले फेसबुकमा लेखेका थिए, परिस्थितिको चपेटामा परे पछि बाच्नुको अर्थ हुँदो रहेनछ। प्रिय अनिताः साथ निभाउन सकेन । मलाई माफ गरे। घर परिवार, साथीभाइ सुभ चिन्तक सबैसँग माफी चाहन्छु । अलबिदा ।