काठमाडौं । सार्वजनिक सवारी नखुलाए पनि निजी सवारीलाई जोरबिजोर गर्दै खुलाएको सरकारले उपत्यकामा निषेधाज्ञा खुकुलो गरेर अत्यावश्यक लगायत सामाग्रीका पसलहरु खोल्ने समयावधि लम्ब्याएको छ । आज जिल्ला प्रशासन कार्यालय काठमाडौंद्वारा जारी सूचनामा खाद्यान्न पसलहरु विहान ११ बजेसम्म संचालन गर्न पाइनेछ ।
डिर्पाटमेन्टल स्टोल सोमबार, बुधबार र शुक्रबार विहान ११ बजे देखि अपरान्ह ४ बजेसम्म संचालन गर्न पाइनेछ । सुन पसल, भाँडालगायत सामाग्री आइतबार, मंगलबार र बिहिबार विहान ११ बजे देखि अपरान्ह ४ बजेसम्म संचालन गर्न छूट दिइएको छ । निर्माणजन्य सामाग्री पसल दैनिक विहान ११ बजे देखि अपरान्ह ६ बजेसम्म संचालन गर्न छुट दिइएको छ ।