काठमाडौं । सत्ता गठबन्धन टुटाउने अनेक प्रयास असफल भएपछि मुलुक अब चुनावमा होमिएको छ । चुनावमा मुलुक अगाडि बढिरहँदा गठबधनमा टुट्ने संकेत देखिन थालेको छ । नेकपा एमालेका प्रभावशाली नेता तथा सांसद महेश बस्नेतले अहिलेको सत्ता गठबन्धन टुट्ने दाबी गरेका छन् । आज ९शनिबार० भरतपुर विमानस्थलमा सञ्चारकर्मीहरूसँग कुरा गर्दै उनले यस्तो दाबी गरेका हुन् । पूर्वमन्त्रीसमेत रहेका नेता बस्नेतले पछिल्लो समय आफ्नो पार्टीमा जनताको आकर्षण बढेको बताए । गठबन्धन टुट्न खोजेकोले नै सरकारले स्थानीय तहको निर्वाचन सार्न खोजेको उनको आरोप थियो । उनले भने,‘सत्ताधारी गठबन्धन टुट्ने अवस्थामा पुगेको र त्यो कारणले निर्वाचनलाई सार्न खोजेको छ, एउटा विप्लवलाई चुनावमा ल्याउन सकिन्छ भन्ने बहानाको षड्यन्त्र र अर्को चाही संवैधानिक परिषद्ले नियुक्त गरेका निर्वाचन आयोग लगायतका नियुक्तिलाई अदालतसँग सेटिङ गरेर हटाएर चुनाव सार्न सकिन्छ की भन्नेतर्फ पनि लागेको देखिन्छ ।’ उनले सत्ता गठबन्धनले चाहँदैमा निर्वाचन नसर्ने पनि बताए । उनले भने,‘पाँच दलभित्र पनि गठबन्धनको प्रक्रिया कति जटिल छ भन्ने हामीले महसुस गरेका छौँ,’ भरतपुरमा गठबन्धनल अस्वीकार गर्छौँ भनेर कांग्रेसले खुला भनेको अवस्था छ । कांग्रेसका ठूला नेताहरू पनि गठबन्धन गर्ने या नगर्ने भनिरहेको अवस्था छ ।’