काठमाडौं । गृह मन्त्रालय काँग्रेसले लिएपछि प्रहरी र सशस्त्र प्रहरी सत्ता हस्तक्षेपको पीडा सरुवा बढुवामा त सहने नै भए । अहिले सशस्त्रको मिसनमा समेत गृहमन्त्रीको दबाव चर्को छ । उमेर पुगेका युवायुवतीहरूले प्रेम विवाह गर्न नपाउने अदालती विवाहलाई गृहमन्त्रीले हस्तक्षेप गर्नेसम्मका काम भएका छन् । जसरी प्रधानमन्त्रीले भ्रष्टाचारी र माफियाको हितमा दबाव दिएर अध्यादेश ल्याए त्यही चरित्रको व्यवहार गृहमन्त्रीको देखियो । नेपाल प्रहरी र सशस्त्र प्रहरीलाई आवश्यक जनशक्ति दिन बजेट छैन भन्ने सरकारले काँग्रेस, एमालेका सांसदलाई प्रहरी सुरक्षा गार्ड पठाएर डा. शशांक कोइराला पक्षका सांसद दिपक गिरीका लागि असई शेरबहादुर अधिकारीलाई खटाएर दीपक गिरीको ताण्डव उदांगो हुँदा समेत प्रहरीका आईजीपी वेखवर भए । सरकारी नियमले पूर्व मन्त्रीलाई ३ वर्षसम्म सुरक्षा गार्ड दिने भने पनि काँग्रेसले प्रहरीलाई गलत ढंगले प्रयोग गर्ने गरेको छ ।
अहिले विचौलिया रामचन्द्र भट्टलाई पनि काँग्रेसले सुरक्षा गार्ड दिएको छ । भट्ट तिनै व्यक्ति हुन् जसले हिजो द टिम्बर कर्पोरेशनको महाप्रबन्धक हुँदा जग्गा बेचेर कुम्ल्याएका थिए । कर्पोरेशनको आपूर्ति महाशखामा हुँदा काठ तस्करसँग मिलेर चिरानी काठ दिने कागजमा कुहिएको सडेको लेखेर संस्थालाई धरासायी बनाएका थिए । त्यो शाखामा छँदा देउवा निवासमा काठको गणेश मूर्ति उपहार दिएदेखिनै उनको डा. आरजुसँग सम्बन्ध रह्यो । त्यो सम्बन्धले अहिले डा. आरजुसँग हुने काम उनले सहज गर्न सक्छन् । काँग्रेसले बिगारेको प्रहरी र सशस्त्रको संरचना माओवादीले सुधारेको हो । नारायणकाजी श्रेष्ठले गृहमन्त्री हुँदा कांग्रेसी नेता, भूपू मन्त्री, प्रहरीका पूर्व आईजीपी, एआईजी र डिआईजीसम्मले लिने गरेका सुरक्षा टोली फिर्ता गराए । श्रेष्ठको त्यो निर्णय रास्वपाका रवि लामिछाने गृहमन्त्री छँदासम्म रह्यो । जब रमेश लेखक गृहमन्त्री भए उनले पूर्ववत गृहमन्त्रीहरूको योजना भत्काउँदै सशस्त्र र नेपाल प्रहरीमाथि हस्तक्षेप गरेका छन् ।