काठमाडौँ । गृहमन्त्री रमेश लेखक र राष्ट्रिय स्वतन्त्र पार्टीका उपसभापति डोल प्रसाद डिपी अर्यालबिच भेटवार्ता भएको छ । सोमबार साँझ गृहमन्त्रीसँग भेट भएको उपसभापति अर्यालले स्वीकार गरे ।

अर्यालका अनुसार भेटका क्रममा समसामयिक विषयमा कुराकानी भएको छ । हाम्रो भेट हिजो साँझ साढे ६ बजेतिर भएको हो । समसामयिक के कसो छ भनेर भेट‚उनले भने।

भेटका क्रममा आफूले रास्वपाले आज बालुवाटारमा गर्ने आन्दोलनको बारेमा जानकारी दिएको पनि उनले बताए ।

आजको आन्दोलनको विषयलाई लिएर भेटेको हो । हामी शान्तिपूर्ण आन्दोलनमा छौँ । त्यसमाथि काठमाडौँमा आन्दोलन हो त्यसमा पनि बालुवाटार केन्द्रित भएकाले शान्ति सुरक्षाको पनि विषय आउँछ नै‚ अर्यालले भने ।

सहकारी बचत अपचलनमा रवि लामिछाने पक्राउ परेपछि रास्वपा सडक आन्दोलनमा छ । रास्वपाले आन्दोलनको कमान्डर पनि अर्याललाई बनाएको छ ।