काठमाडौं । ग्रेटवाल मोटर्सको विद्युतीय र इन्धन गाडी खरिद गर्न ग्लोबल आइएमई बैंकले ऋण दिने भएको छ। यसका लागि ग्लोबल आइएमई बैंक र भि जि इम्पेक्स (जिडब्लुएम नेपाल) बीच समझदारी पत्रमा हस्ताक्षर भएको छ।
बैंक र भि जि इम्पेक्सबीच ग्राहकवर्गलाई सहुलियत ब्याजदरमा विद्युतीय र इन्धनमा आधारित सवारी कर्जा प्रवाह गर्ने समझदारी पत्रमा हस्ताक्षर भएको हो। उक्त समझदारी पत्रमा बैंकका साना तथा मझौला कर्जा विभाग प्रमुख रुपेन्द्र वाग्ले र भि जि इम्पेक्सका उपाध्यक्ष रुपेश शर्मा भट्टले हस्ताक्षर गरेका छन्।
उक्त समझदारीमा कम्पनीले बिक्री गर्दै आएको ह्याभल एसयुभी, पावर ब्राण्डका पिकअप र ओरा विद्युतिय सवारी साधन खरिद गर्ने गाह्रकलाई बैंकले ऋण उपलब्ध गराउने उल्लेख छ।
गाडी खरिद गर्न इच्छुक ग्राहकहरुले आवश्यक कागजात तथा विवरण सहित बैंकको शाखा कार्यालयमा निवेदन दिए पश्चात ३ दिनभित्र बैंकले सहज रुपमा सवारी साधन कर्जा प्रवाह गर्ने कम्पनीले जानकारी दिएको छ।