काठमाडौं । लकडाउनको अवस्थामा घरेलु मदिरा ओसारपसार गर्ने ललितपुर सानेपा घर भई हाल काठमाडौं चन्द्रागिरी नगरपालिका १० सतुंगल बस्ने ४० वर्षीय सुनिल महर्जनलाई शनिबार बिहान प्रहरीले पक्राउ गरेको छ ।
चन्द्रागिरी नगरपालिका १२ गुर्जुधारामा थानकोटदेखि कलंकीतर्फ जाँदै गरेको बा ३८ प ९१४७ नम्बरको मोटरसाइकलमा २२ लिटर घरेलु मदिरा ओसारपसार गरिरहेको अवस्थामा महानगरीय प्रहरी वृत्त थानकोटबाट खटिएको प्रहरीले फेला पारी चालक महर्जनलाई पक्राउ गरेको हो ।
महर्जनलाई बरामद मोटरसाइकल र घरेलु मदिरा सहित आवश्यक कानूनी कार्वाहीको लागि आन्तरिक राजश्व कार्यालय कलंकी पठाइएको महानगरीय प्रहरी वृत्त थानकोटले जनाएको छ ।