काठमाडौं । जेनजी आन्दोलनमा गुमेको सुरक्षा निकायको साख त्यही आन्दोलनले स्थापित गरेको निकासको रुपमा लिइएको आम निर्वाचन शान्तिपूर्ण सम्पन्न हुँदा जोगियो । आज सरकार जति खुशी छ त्यो खुशी नेपाली सेना, सशस्त्र प्रहरी र नेपाल प्रहरीले पनि व्यक्त गरेका छन् । कथित दुई तिहाइको नाउमा त्यो समयमा देखाइएको दम्ब र अहंकारबाट मात्तिएका केपी ओलीले आफू मात्र होइन सिंगो पार्टीलाई पनि रसातलमा पु¥याएका छन् । ओलीकै हेपाह शैलीको कारण सेनाले भाद्र २४ मा भौतिक संरचनाको सुरक्षा गरेन भन्न त मानव हत्या जोगाउन भवन जलाउन दिइयो भनेको छ । त्यो बेला कानुन भन्दा प्रहरीले आफ्ना कार्यालयको सुरक्षा गरेन । शासकहरूको आदेशमा चल्नु पर्ने फौजी मान्यतालाई स्वीकार्दा आफैं पंगु भएको सेना, प्रहरी, सशस्त्र प्रहरी, राष्ट्रिय अनुसन्धान विभागलाई जेनजी सरकारले तिनकै कानुन र ऐनमा चल्न दिएकै कारण पनि आम निर्वाचनमा सुरक्षको दायित्व हाम्रो हो भन्ने भयो । दलका नेता चुनावी सरकारमा थिए भने तिनका कार्यकर्ताले मतपेटिका साट्ने, फर्जी मत खसाल्ने दुस्साहस गर्थे । यस पटक सुरक्षा सतर्कता कडा गरियो । जेनजी आन्दोलनमा गुमेको शाख फर्काउने मौका तिनले पाएकै हुन् । काँग्रेस र एमालेको भिगनी संगठन रुपी प्रहरी सशस्त्र र गुप्तचरलाई अब बन्ने सरकारले पनि यही रफ्तारमा प्रयोग गर्न सक्नुपर्छ । किनकि नेपालको सुरक्षा अंगलाई राजनीति ओत दिएर परिचालन गर्ने र अपराधी बचाउने भ्रष्टाचारका फाइलमा अनुसन्धान गर्न नदिने समूहलाई जनताले दण्ड दिएका छन् । काँग्रेस र एमालेलाई प्रशासन कसरी चलाउने भन्ने शिक्षा माओवादी नेतृत्वको प्रचण्ड सरकारले दिएकै हो । तर केपी ओलीको मुल लक्ष्य नै नीतिगत भ्रष्टाचार र देशको सम्पत्ति माफियालाई सुम्पेर आफ्नो थैलो भर्ने मुल लक्ष्य हुँदा राजश्व पनि उठेको थिएन । जनताले कालो बजार, महंगी, अभाव सधैं झेलेका थिए । प्रहरी, सशस्त्र प्रहरी, नेपाली सेनाको खरिदमा दिपक भट्ट नामक बिचौलियाको बढी चासो हुन्थ्यो । भट्टले धितोपत्र बोर्डमा सन्तोषनारायण श्रेष्ठ जस्ता दलाल भर्ति गराएर ओलीलाई रु ९ करोड बुझाएकै थिए । त्यो बापत भट्टले शेयर कारोबारमा गढबढी गरेका हुन् । आज उनको विरुद्ध रु ९ अर्ब भन्दा बढी राजश्व मारेको विषय चर्चामा छ । आफू सत्तामा हुँदा देश दगुर्छ । आज देशको सुतेको छ । ओली डुक्रिनुको कारण त्यही हो । सुरक्षा समूहका चार समूहले आफ्नै ऐन कानुनमा चल्न पाउनु पथ्र्यो । तर काँग्रेस र एमालेको शासनमा सरुवा बढुवाका लागि थैली अनिवार्य थियो । बढुवाको योग्यता पुगेकाहरूले समयमा आफ्नो कार्यक्षमताको सदुपयोग गर्न पाउँदैनथे । यो सत्य बुझेको फौजी जनयुद्धका समयमा मानव हत्या लुटपाट महिलाको इज्जत लुट्न गरगहना लुट्ने काममा लागेको थियो । यो धन्दा नेपाली सेनाले व्यापक बनाएको कारण सेनाद्वारा प्रताडित गाउँको जनता आज पनि सेनाप्रति सकारात्मक छैन । सेनाको भ्रष्टाचार छानविन गर्ने निकाय छैन । त्यहाँ भ्रष्टाचार जग्गा प्लटिङ गर्ने बेच्ने आवास बनाउने बेच्ने जस्ता धन्दा चरम छ । सेना व्यवसायी होइन व्यापारी भएको छ । देशको सुरक्षामा नेपाली सेना कतै सीमा रक्षक छैन । सशस्त्र प्रहरीले सीमा सुरक्षा तस्करी नियन्त्रण जस्ता काम पाएको छ । व्यारेकको सेना सिंहदरबार जल्दा दर्शक बन्छ आफ्ना परमाधिपति राष्ट्रपतिको वास जोगाउन नसक्ने भएको जनताले देख्यो । कुरा जे गरे पनि सेनाले आफ्नो इज्जत जोगाइएन । तर चुनावमा देखिएको सुरक्षा संवेदनशीलता चुस्त हुँदा प्रहरी, सशस्त्र, गुप्तचर र सेनाको शाख जोगिएको छ ।