Bagbazar, Kathmandu, Nepal
Phone : 01-4228625
Fax
Email : tajanepalnews@gmail.com
काठमाडौं । नेकपा विभाजनपछि माओवादी अध्यक्ष प्रचण्ड र माधव नेपालका गतिविधिमाथि निगरानी गर्ने एमाले निकट साइबर सेनका कारण अहिले ती दुवै नेता तनावमा छन् । पछिल्लो पटक प्रचण्डले जिपलाइनमा यात्रा गरेको विषय सामाजिक सञ्जालमा बहस को विषय बनेको छ । नेकपा माओवादी केन्द्रका अध्यक्ष पुष्पकमल दाहाल प्रचण्डले आफूले धुलिखेलमा चढेको जिपलाइनबारे नकारात्मक टिप्पणी भएकामा असन्तुष्टि जनाए । ‘म एक रातका लागि सुकुटे गएको थिएँ । फर्किँदाखेरि यहाँ चढ्न रमाइलै हुन्छ भन्ने भयो, तुरुन्तै निर्णय गरेर चढे । नेपाली जनताले बुझ्ने कुरा हो’ चितवनमा पत्रकारसँगको कुराकानीमा उनले भने । देश बाढीपहिरोमा डुबेको बेला प्रचण्ड जिपलाइनमा चढेको भनेर आलोचना भएको थियो । प्रचण्डले भने आफूले जिपलाइन चढेको विषयमा समाचार बन्ने विषय नै नभएको बताए । ‘तर्पाहरुले सामान्य परिघटनाको रुपमा लिँदा पनि हुन्छ । अलिकति जोखिमपूर्ण क्रियाकलाप गर्ने मेरो रुचीलाई सकारात्मक रुपमा लिँदा पनि हुन्छ । यो धेरै चर्चा हुनुपर्ने विषय नै थिएन । म २४ घण्टाका लागि बाहिर गएँ, फर्केर आउँदा जिपलाइन चढेँ, यो देशभरि समाचार बनाउनुपर्ने विषय नै हो जस्तो लाग्दैन ।’
२०८१ आश्विन २६
ताजा नेपाल
२०८१ आश्विन २६
ताजा नेपाल
२०८१ आश्विन २६
ताजा नेपाल