Bagbazar, Kathmandu, Nepal

Phone : 01-4228625

Fax

Email : tajanepalnews@gmail.com

ठमेलमा मदिरा सेवन गरी झैझगडा गर्ने चार चिनियाँ नागरिक प्रहरी नियन्त्रणमा

काठमाडौं । काठमाडौंको प्रमुख पर्यटकीय क्षेत्र ठमेलमा मदिरा सेवन गरी सार्वजनिक स्थानमा होहल्ला र झैझगडा गरेको आरोपमा चार जना चिनियाँ नागरिकलाई प्रहरीले नियन्त्रणमा लिएको छ ।

जिल्ला प्रहरी परिसर काठमाडौंका अनुसार कात्तिक २६ गते राति करिब ११ः१५ बजे काठमाडौं महानगरपालिका–२६ स्थित ठमेलको ‘फायर चोक’ अगाडिबाट उनीहरूलाई नियन्त्रणमा लिइएको हो ।

सडकमा मदिरा सेवन गरी आपसमा होहल्ला तथा झैझगडा गरिरहेको अवस्थामा प्रहरी वृत्त लैनचौरबाट खटिएको टोलीले चारै जनालाई पक्राउ गरेको प्रहरीले जनाएको छ ।

पक्राउ पर्नेमा २७ वर्षीय ए हाओ, ३३ वर्षीय ए गुई, ३५ वर्षीय सियाओ ले र २९ वर्षीया योङ सोय रहेका छन् । उनीहरूको राहदानी नम्बर भने खुलाइएको छैन ।

मदिरा सेवन गरी सार्वजनिक स्थानमा अशान्ति फैलाएको घटनाबारे प्रहरी वृत्त लैनचौरले थप अनुसन्धान अघि बढाएको जिल्ला प्रहरी परिसर काठमाडौंले जनाएको छ ।