काठमाडौं । चिनको हुनान प्रान्तको लूधी सहरमा यही अगस्ट ८ देखि १० तारीखसम्म आयोजना हुन ग़ैरहेको प्रथम एशिया आमन्त्रण आईटीएफ ताईक्वानदो प्रतियोगीता तथा सेमिनारमा भाग लीन ताईक्वानदो आईटीएफ नेपालका सस्थापक अध्यक्ष मास्टर लक्ष्मण बस्नेतको नेतृत्वमा तीन सदस्यीय टोली शनिबार चिन प्रस्थान गरेको छ । प्रतियोगितामा खेलाडी गयाजी खड्काले ५८ केजी मुनि तौल समूहमा स्पारिङ तर्फ प्रतिस्पर्धा गर्ने छन् भने सस्मिनी बस्नेतले अम्पायरको भूमिका निर्वाह गरने छिन् । मास्टर लक्ष्मण बस्नेतले प्रतियोगीता पश्चात विभिन्न क्लबहरुमा प्रशिक्षण समेत दिने कार्यक्रम रहेको छ । उक्त प्रतियोगितामा सहभागी हुने टोलीलाई ताईक्वानदो आईटीएफ नेपालका उपाध्यक्ष दधिराम कडेल, सल्लाहकार आङ तेम्बा शेर्पा लगायत खेलाडी तथा प्रशिक्षकहरुले विदाई गरेका थिए।