काठमाडौँ । नेकपा एमालेका महासचिव शंकर पोखरेल गत सोमबार र मंगलबार भएको जेन(जीको आन्दोलनका क्रममा भएको विध्वंशपछि पहिलो पटक पार्टी कार्यालय पुगेका छन् । सोमबार दिउँसो ललितपुरको च्यासलस्थित पार्टी कार्यालयमा पुगेका उनले देशैभर क्षतिग्रस्त भएका पार्टी कार्यलय पुनस्र्निर्माण सुरू गर्न कार्यकर्तालाई अपिल गरेका छन् । जेन जीको आन्दोलनका क्रममा क्षतिग्रस्त पार्टी केन्द्रीय कार्यालयको निरीक्षणपछि महासचिव पोखरेलले सरकारी संयन्त्रसँग समन्वय गरेर सार्वजनिक संरचनाको निर्माणका लागि योगदान गर्न पनि पार्टी पंक्तिलाई निर्देशन दिए । महासचिव पोखरेलले असोज २ गते खरानीको थुप्रोबाटै संविधानस दिवस मनाउन पनि एमालेजनलाई निर्देशन दिए । लामो संघर्षबाट २०७२ सालमा प्राप्त संविधान दिवस असोज ३ गते पर्छ । उक्त दिवस हामी खरानीकै थुप्रोबाट मनाउने छौँ । सबै जिल्लाले यो कार्यक्रम गर्नुहुनेछ, उनले भने, काठमाडौँ उपत्यकामा पार्टी केन्द्रीय कार्यालयको प्रांगणमा हुनेछ । उनले सधैं सडकबाट निर्णय नहुने भएकोले प्राप्त उपलब्धिलाई संविधानमा संस्थागत गर्नुपर्ने बताए । वर्तमान सरकारले भ्रष्टाचार अन्त्य र शुसासनका कदम अघि बढाउदा एमालेले सहयोग गर्ने उनले बताए । अन्तरिम सरकारको मूल काम सुरक्षाको वातावरण बनाउने र समयमै निर्वाचन गराउने भएकाले त्यसतर्फ ध्यान जाने आफू विश्वश्त रहेको पोखरेलले बताए । नेपालका सबै लोकतान्त्रिक पार्टीहरू जनतामा गएर, जनताबीचबाट अभिमत प्राप्त गर्ने प्रक्रियामा प्रवेश गर्नुभएको छ भन्ने हामी ठान्दछौँ, पोखरेलले भने ।