गायक प्रकाश सपुतको नयाँ गीत ‘पीर’ले चर्चा पाइरहँदा यसको बिषयवस्तुलाई लिएर मानिसहरु फरक फरक कित्तामा पनि उभिएका छन् । माओवादी केन्द्रको विचारसँग सहमत नहुने अधिकांश मानिसहरुले यो गीत सार्वजनिक भएपछि माओवादीलाई गाली गरिरहेका छन् । तर, माओवादी केन्द्र निकट भातृ संगठनदेखि कार्यकर्ताले पनि गीतकै आलोचना गरिरहेका छन् ।

तर, कलाकार दीपकराज गिरीले भने यो गीतलाई लिएर माओवादीलाई गाली गर्नेहरुमाथि आक्रोश पोखेका छन् । उनले, गीत असाध्यै राम्रो बनेको भन्दै प्रशंसा गरेका छन् । तर, यही मौकामा माओवादी पार्टीलाई समुह नै बनाएर सराप्नेहरुमाथि उनले कडा प्रहार गरेका छन् ।

उनले लेखेका छन्–‘कुन पार्टीमा केही मानिसको रजाँई र केही मानिसको हरिविजोग छैन रु कुन दलका मान्छेले हाम्रो पार्टीमा त्यस्तो छैन भनेर ठोकुवा गर्न सक्छ रु उसैको विचारबाट आएको संविधानमा टेकेर राजनीति पनि गर्ने, अनी सत्तो सराप पनि उसैलाई गर्ने रु हो गीत बन्द गर्न दबाब दिनु गलत नै हो ।’