काठमाडौं । सरकारले नवनियुक्त प्रहरी महानिरीक्षक (आईजीपी) दिपक थापालाई दर्ज्यानी चिन्ह प्रदान गरेको छ । गृहमन्त्रालयमा आयोजित एक समारोहबीच गृहसचिव गोकर्णमणि दुवाडीले दर्ज्यानी चिन्ह प्रदान गरेका हुन् । आइजीपी थापाका दुई प्रतिस्पर्धी सुदिप गिरी र टेक बहादुर तामाङलाई नेपाली काँग्रेस र नेकपा एमालेले साथ दिएका थिए । तर, निवर्तमान आईजीपी बसन्त कुँवरले संगठनमा वरिष्ठताका आधारमा प्रमुख छान्ने परम्परालाई नतोड्न प्रधानमन्त्रीदेखि गृहमन्त्रीसम्मलाई आग्रह गरेका कारण पनि थापालाई सो पद सहज रुपमा प्राप्त भएको हो । छोटो अवधिमा संगठनभित्रका विसंगतिहरु हटाउन उनले सक्छन् सक्दैनन् निश्चित छैन । तर, सत्तापक्षबाट बारम्बार प्रहरी संगठनमा दिइने दबावलाई थेग्नु नै उनको यो अवधिको सफलता मानिनेछ । उनले छ महिना प्रहरी संगठनको नेतृत्व गर्ने छन् । कानु्नी रुपमा यो अवधिमा काम गर्न पाउने हो भने नेपाल प्रहरीको गुमेको प्रतिष्ठा पुन स्थापित गर्न सकिन्छ ।