नायिका दिशा पटानी चलचित्रमा मात्र होइन, सामाजिक सञ्जालमा पनि सक्रिय छिन् । दिशा सामाजिक सञ्जालमा आफ्ना हट तस्बिर पोष्ट गर्न सधैँ नै अगाडि छिन् । दिशा इन्स्टाकै माध्यमबाट विभिन्न ब्रान्डको प्रमोसन पनि गरिरहेकी हुन्छिन् । यसरी ब्रान्ड प्रमोसन गर्दा दिशाले राम्रै रकम कमाउँछिन् । उनै दिशाले हालै मात्र एक विकिनी तस्बिर पोष्ट गरिन् । यो पनि एक ब्रान्डकै प्रमोसन थियो । तर यस पटक भने दिशालाई ट्विटर प्रयोगकर्ताहरूले ट्रोलको सिकार बनाएका छन् । यो तस्बिर पोष्ट गर्दा दिशाको चर्को आलोचना भइरहेको छ । भारतमा विगत केही दिनदेखि नागरिकता विधेयकको विरोध भइरहेको छ । यो विषयमा बलिउडकर्मीहरूले केही पनि नबोल्दा उनीहरूकै आलोचना पनि भएको पाइन्छ । दिशाले सामाजिक सञ्जालमा यो तस्बिर पोष्ट गर्नेबित्तिकै उनलाई ट्विटर प्रयोगकर्ताहरूले नागरिकता विधेयकको विषयमा कोही पनि नबोलेको तर विकिनी तस्बिर पोष्ट गरेर बसेको भन्दै आलोचना गरेका हुन् । केही ट्विटर प्रयोगकर्ताले देशको अवस्था बिग्रिएको समयमा यस्ताखालका तबिस्र पोष्ट गर्नु सही नभएको भन्दै आलोचना पनि गरेका छन् । केही सामाजिक सञ्जाल प्रयोगकर्ताले देशको बिग्रँदो अवस्थामा कुनै चासो नदेखाए पनि ब्रान्ड प्रमोसन गरेर पैसा कमाउन दिशालाई चासो लागेको भन्दै आलोचना गरेका छन् ।