काठमाडौं । त्रिकोणात्मक टी २० सिरिज अन्तर्गत लिग चरणको अन्तिम खेलमा नेपालले मलेसियालाई ६९ रनको फराकिलो जित हासिल गरेको छ । करण केसीको आक्रामक ब्याटिङ तथा सोमपाल कामी र सन्दीप लामिछानेले ३÷३ विकेट लिएपछि नेपालले मलेसियालाई सस्तैमा समेटेको हो । चारमध्ये तीन खेल जित्दै ६ अंक जोडेको नेपाल लिगको शीर्ष स्थानमा रहेर फाइनल पुगेको हो । नेपालले अब उपाधिका लागि शनिवार नेदरल्याण्ड्ससंग खेल्नेछ । टस हारेर ब्याटिङमा निम्त्याइएको नेपालले २० ओभरमा ७ विकेट गुमाएर २१७ रन बनाएको थियो । २१८ रनको लक्ष्य पछ्याएको मलेसिया १९.१ ओभरमा १४८ रनमै अलआउट भयो । नेपालका लागि सोमपाल कामी, कमल सिंह ऐरी र सन्दीप लामछानेले ३–३ विकेट लिएका थिए भने सुशन भारीले १ विकेट लिएका थिए ।