डा.आरजु राणा देउवालाई बेल्जियममा विरोध प्रदर्शन गरिएको छ । नेदरल्याण्डसको हेग हुँदै ब्रसेल्स पुग्नुभएकी मन्त्रीलाई बुधबार उपमहासचिव राजेन्द्र कार्कीलगायतले विभिन्न नारा लेखिएको प्लेकार्ड देखाएर विरोध जनाएका हुन् ।

परराष्ट्रमन्त्रीलाई प्लेकार्ड देखाएको भन्दै गैरआवासीय नेपाली संघ (एनआरएनए) बेल्जियमले आपत्ति जनाएको छ । उपमहासचिव राजेन्द्र कार्कीको संलग्नता रहेको संघको भनाई छ । संघको विधान र भावना विपरीत उक्त कार्य गरिएकोमा खेद जनाइएको छ ।

उक्त प्रदर्शन नेपालीद्वारा सञ्चालित अवैध रेष्टुरेन्ट अगाडि गरिएको बताइएको छ ।