Bagbazar, Kathmandu, Nepal

Phone : 01-4228625

Fax

Email : tajanepalnews@gmail.com

पहिलो दिनको वार्ता निष्कर्षविहीन

काठमाडौं । धनगढीमा अनशनरत डा. गोविन्द केसी र सरकारी प्रतिनिधिबीच आइतबार पहिलो चरणको वार्ता सम्पन्न भएको छ। संवाद गर्न प्रधानमन्त्री तथा मन्त्रिपरिषद् कार्यालयका सचिव रामप्रसाद घिमिरेको संयोजकत्वमा गठन भएको वार्ता टोलीले अनशनरत प्राध्यापक डा। केसीका प्रतिनिधिहरुसँग संवाद सुरु गरेको हो। काठमाडौँमा सरकारी वार्ता टोली र डा। केसीका प्रतिनिधिबीच पहिलो चरणको वार्ता निष्कर्षविहीन भएको छ। वार्ता निष्कर्षमा नपुगे पनि सकारात्मक रहेको र आवश्यक गृहकार्य गरी सोमबार दिउँसो १ फेरि छलफलमा बस्ने गरी टुंगिएको डा. केसीका तर्फबाट वार्तामा सहभागी डा. प्रितम सुवेदीले बताए। आज पहिलो चरणको वार्ता भयो, हामीले ७ बुँदे मागहरु वार्ताटोली समक्ष प्रस्तुत गर्यौँ, उनले भने, राजनीतिक तहमा समेत छलफल गर्नुपर्ने भएकाले भोलि दिउँसो १ बजे फेरि बस्ने गरी छुट्टियौँ। सरकारी वार्ता टोलीमा स्वास्थ्य तथा जनसंख्या मन्त्रालय सचिव रोशन पोखरेल र शिक्षा, विज्ञान तथा प्रविधि मन्त्रालयका सचिव रामकृष्ण सुवेदी सदस्य रहेका छन्। डा. गोविन्द केसीको तर्फबाट वार्ता गर्न डा. जीवन क्षेत्रीको संयोजकत्वमा अधिवक्ता ओमप्रकाश अर्याल, डा। लिजन महर्जन र प्रितम सुवेदी सदस्य रहेको टोली छ । डा. केसीले ७ बुँदे माग अघि सार्दै भदौ २७ गतेदेखि धनगढीमा अनशन सुरु गरेका थिए। स्वास्थ्यमा समस्या देखिएपछि केसी २९ गते बेलुका सेती प्रादेशिक अस्पताल भर्ना गरिएका थिए। केसीको स्वास्थ्य अवस्था जटिल बन्दै गएको उनका सहयोगी डा. अमृत जैसीले जानकारी दिए। स्वास्थ्यमा थप समस्या हुने देखिएपछि चिकित्सकले औषधि प्रयोग गर्न सुझाव दिएपनि केसीले मानेका छैनन्। उनले आफूले उठाएका माग सम्बोधन गर्न सरकार तयार नभएसम्म ज्यानमा तलमाथि भएपनि कुनै औषधि प्रयोग नगर्ने अडान लिएका छन्।