क्षमता हुनेलाई केन्द्रमा गएर काम गर्नुपर्छ भन्ने छैन । मोफसलमा रहेर पनि कला क्षेत्रमा स्थापिन हुन सकिन्छ भन्ने उदाहरण बनेका छन् देव महतो । चितवनमा रहेर आफूलाई कला क्षेत्रमा संलग्न गराउँदै आएका मोडल देव महतो खासगरी थारू गीतका भिडियोमा एकक्षत्र राज गर्न सफल मोडल हुन् । दुई दर्जनभन्दा बढी गीतमा अभिनय गरेर धेरैको मन मष्तिस्कमा बस्न सफल देव महतो गत साता गायक भुवन प्यासी र मेलिना राईको गीतमा मिस पविसंग रोमान्टिक दृश्य दिन व्यस्त देखिन्थ्ये । दियालो फुड ल्याण्ड, भरतपुरमा नयाँ गीत ‘इङ्गेज्मेन्ट’को म्युजिक भिडियोको सुटिङमा मोडल महतो रोमान्टिक देखिएका हुन् । ‘इंगेज्मेन्ट’को भिडियो सिर्जन बरालले निर्देशन गरेका छन् भने रविन्द्र बरालले खिचेका हुन् । गीतको भिडियो यसै साता सार्वजनिक हुने र सांगीतिक कार्यक्रमका लागि आफु आज मंगलवार अमेरिका तर्फ प्रस्थान गर्ने गायक भुवन प्यासीले बताए । गायक मिलन लामाको थारू गीत ‘हमार थारू गाउँमा हावा चलल’ बाट यो क्षेत्रमा औपचारिक रूपमा प्रवेश गरेका देवले यही गीतबाट अवार्डसमेत प्राप्त गर्न सफल भएका थिए । कोरियोग्राफीसमेत गर्दै आएका देव महतो आफू अभिनयमै रम्ने बताउछन् । तोर मायाक सागर, दिल कहे हरबार, यहसास मायाको, मोर जान लेगयील जस्ता उनको अभिनय रहेका धेरै थारु गीतका भिडियोलाई दर्शकले औधि मन पराएका छन् । मोडल देवले नेशनल थारू मोडलको अवार्ड आफ्नो पक्षमा पारिसकेका छन् ।