काठमाडौं । प्रधानमन्त्री शेरबहादुर देउवाको प्रमुख स्वकीय सचिवमा भानु देउवा नियुक्त भएका छन् । उनको नियुक्ति एक साता पहिले नै भएको भएपनि सामाजिक सञ्जालमा भर्खर मात्रै कांग्रेस नेता कार्यकर्ता र शुभेच्छुकहरुले बधाई दिन थालेका छन् । विगतदेखि नै देउवाको सहयोगी रहेका भानुको नियुक्ति सामान्य प्रक्रिया भन्दै प्रधानमन्त्री कार्यालयले चर्चामा नल्याएको हो । देउवा यसअघि प्रधानमन्त्री हुँदा पनि भानु नै प्रमुख स्वकीय सचिव रहेका थिए । मन्त्रिपरिषदलाई पूर्णता दिन भने अझै केही समय लाग्ने बताइएको छ । प्रधानमन्त्रीका सल्लाहकारहरुको नियुक्ति भने मन्त्रिपरिषद विस्तारपछि मात्रै हुने जनाइएको छ ।