गायिका अस्मिता अधिकारी र गायक महेश काफ्लेले लगनगाँठो कस्ने भएका छन् । असारमा दुबईमा इन्गेजमेन्ट गरेका यी दुईले फागुन २२ गते विवाह गर्न लागेका हुन् । एक कुराकानीको क्रममा लामो समयदेखि प्रेम सम्बन्धमा रहेकोमा महेशले ‘हो हामी विवाहको तयारीमा छौँ, यही फागुन २२ गते विवाह गर्न लागेका हौँ’ भनेका छन् । काठमाडौँमा विवाह समारोह आयोजना हुने बुझिएको छ । यी दुईले केही गीतमा सहकार्य समेत गरेका छन् । कतिपय कन्सर्टमा एकसाथ प्रस्तुति पनि दिएका छन् । अस्मिता र महेश अहिले रुचाइएका सङ्गीतकर्मी मध्ये पर्छन् ।