सिन्धुपाल्चोक । प्रधानमन्त्री शेरबहादुर देउवाले सिन्धुपाल्चोकमा मोहनबहादुर बस्नेत जस्तो नेता पाउँदैनन् । यी दुवैको ससुराली राणा परिवार हुन् । त्यही कारण पार्टीमा गुटबन्दी चम्कँदा सिन्धुपाल्चोकका मोहन बस्नेतले देउवालाई साथ दिए । बस्नेत आफैं पनि तातोपानी अन्तर्गतका तस्करका संरक्षक हुन् । तस्करहरुले आफ्नो धन्दाअनुसार बुझाउनुपर्ने ठाउँमा बस्नेत पहिलो नम्बरमा पर्छन् । केन्द्रको सरकार जुनसुकै पार्टीले बनाए पनि अर्थमन्त्री जो भए पनि तातोपानी क्षेत्रमा चलेको धन्दा हो यो । त्यो अहिले पनि उस्तै छ ।

विकास लामा निवर्तमान सभापति भूपेन्द्र थापा काँग्रेस टुक्रिँदाका सभापति हुँदै हुन् । अहिले सिन्धुपाल्चोकमा स्थानीय चुनावको हिसाव चल्दैछ । नौ पालिकामा ३ नगरपालिका रहेको सिन्धपाल्चोकमा गत चुनावमा एमाले नै ठूलो अर्थात् धेरै पालिका जितेको थियो । माओवादी २, काँग्रेस ३ स्थानीय पालिका तहमा शासन गरेका थिए । एमलो सात स्थानीय तह जितेको हो । यस पटक एमाले फुटेको छ । सुभाष कर्माचार्यहरु माधव नेपालतिर लागेका छन् । त्यो पनि केपी ओलीले दिन्छन् र ठाउँ पाउँला भनेर लामो समयसम्म कुरेर केन्द्रीय सदस्य नपाएपछि मात्र ।

त्यहाँ माओवादीका अग्नि सापकोटा र काँग्रेसका मोहन बस्नेतको निर्वाचन क्षेत्र एउटै हो । बाढी पहिारे र कोरोना महामारी मात्र होइन भूकम्पले छिया छिया बनाउँदा काँग्रेसका मोहन बस्नेतको सक्रियताका अगाडि माओवादीका अग्नि र एमालेका शेरबहादुर तामाङको उपस्थिति कमजोर हुन्थ्यो । अझै त्यस्तै छ । तर यस पटक मोहन बस्नेतलाई पार्टीमा घात गरेको सजायँ राम्रै मिल्नेछ । उनले ठेकेदार जंगबहादुर तामाङलाई पार्टी सभापति बनाउँदा उनकै कारण त्रिविविको जागिर छाडेर पार्टी राजनीति गरेका डा. प्रेमध्वज तामाङमाथि घात गरेका छन् । मोहनलाई लगत्तै चाहिएको थियो । ठेकेदार जंगबहादुर उपयुक्त भए ।

टियुको प्रोफेसर त्यागेका डा. प्रेमध्वजले डनवादको पक्षपोषण गर्दैनन् भन्ने ज्ञान बस्नेतमा आयो । सिन्धुपाल्चोकमा हिजो पञ्चहरु पशुपति र नेत्रविक्रम थापाको लडाइँ थियो अजा अग्नि र मोहनबीच हुँदैछ । राजनीतिलाई सेवासँगै जोडेर माफियागिरी चलाउने मोहन र १० वर्षे युद्ध लडेर जनता रिझाएका अग्निबीच फरक त हुन्छ नै । यस पटक वंशलाल तामाङ र प्रेमध्वजको बीच गठबन्धन हुनुपथ्र्यो, तर भएन ।

अबका दिनमा बस्नेतले डा. प्रेमध्वजलाई केन्द्रीय सदस्य मनोनित गरे भने सिन्धुमा उनको दादागिरी बच्छ, होइन भने भोटेकोशीको भेलझैं पैसा कटने काजीको खाने काम प्रेमध्वजको हुनेछ । डा. प्रेमध्वज शुद्ध राजनीतिज्ञ हुन् । उनलाई बस्नेतले नै तयारी थाल भनेका हुन् तर पार्टी सभापति हुन दिएनन् । पूर्णबहादुर खड्का, विश्वप्रकाश शर्मासम्मको सम्बन्धले डा. प्रेमध्वजले कही न कहीं ठाउँ पाउँछन् । त्यो बेला जिल्लाको कुरा आउँदा मोहनले आफ्नो क्षेत्रमात्र हेर्छन् कि गुण्डा, लफूंगा र झोले तस्करको पक्ष लिन्छन् ? जबकि क्षेत्र नं. २ मा काँग्रेस २७ हजार, एमाले २५ हजार र माओवादी १२ हजार मत हुँदा गत चुनावमा अग्निले जितेका हुन् ।

अहिले पनि सत्ता गठबन्धन हुने भनिएको छ । तर मोहनले आफैंभित्र घात गरेको सजायँ अनुसार घटेको जनमत भोटेकोशी र त्रिपुरा सुन्दरी गाउँपालिकाका अध्यक्षले पूरा गर्छन् ? किनकि त्यहाँ त विकास लामा र भूपेन्द्र थापाहरु पनि काँग्रेस भन्दै दौडेकै छन् । किनकि वंशलालले ६२९, प्रेमध्वले ५०५, जंगबहादुरले ७०५ मत ल्याएपछि दोस्रो चरणमा सभापति चुनिएको हो ।