काठमाडौं । प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा र प्रमुख प्रतिपक्षी दल नेकपा एमालेका अध्यक्ष केपी शर्मा ओलीबीच भेटवार्ता भएको छ। उनीहरूबीच प्रधानमन्त्रीको सरकारी निवास बालुवाटारमा भेट भएको हो। बुधबार अपरान्ह भएको भेटमा पछिल्लो राजनीतिक घटनाक्रम, प्रधानमन्त्रीको न्युयोर्क र चीन भ्रमण र संसद्मा विचाराधिन रहेको टीआरसी विधेयक र बर्खे अधिवेशनकोबारे छलफल भएको स्रोतले बताएको छ।
यसअघि बुधबार नै प्रधानमन्त्री प्रचण्डले सभामुख देवराज घिमिरेसँग छलफल गरेका थिए। सभामुखसँग पनि उनले टीआरसी विधेयक संसद्बाट अघि ढाउन समन्वयकारी भूमिका निर्वाह गर्न आग्रह गरेका थिए।