अनुज कुमार सीतामढीको कोचिङ मन्डी भन्ने ठाउँको चियापसल बाहिर चुरोट पिउँदै थिए । यो ठाउँ ट्युसन सेन्टरहरूको केन्द्र हो र यसले वरपरका गाउँका विद्यार्थीहरूलाई सितामढी जस्तो सानो शहरमा तान्छ ।

तर, २८ वर्षका अनुज त्यहाँ पढ्न आएका थिएनन् । उनले त्यो दिन अदालत धाएर आफ्नो कागजपत्र मिलाउँदै बिताए । बिहार प्रहरीमा सब–इन्स्पेक्टरको जागिरका लागि निवेदन दिनका लागि उनले दौडधुप गरेका हुन् ।

अनुज कुमार नेपालको जनकपुरमा एउटा रासायनिक कम्पनीमा सेल्सम्यानका रूपमा काम गर्छन् । उनी छठ पर्व मनाउन आफ्नै गाउँ छोटकी भीठा फर्किएका थिए । छठ बिहारको सबैभन्दा ठूलो पर्व हो । तर, सरकारी जागिरको चाहनाले उनलाई बिदाको समयमा पनि व्यस्त बनाइरहेको थियो ।

निवेदन प्रक्रिया झन्झटिलो भएकोले उनी नेपालमा देखेको जेनरेशन–जेड क्रान्ति सम्झिँदै झसंग हुन्छन् । उनले भने, नेपाल र बिहारका युवाहरूको अवस्था उस्तै हो । त्यहाँका युवाहरू भ्रष्टाचारबाट थाकेका थिए, यहाँ पनि त्यही हो ।

तर, उनी र उनका साथीहरूले नोभेम्बर महिनामा हुने विधानसभा चुनावमा बिहारको बहालवाला सरकारलाई हटाउनका लागि भोट हाल्नेछन् त रु उनले टाउको हल्लाए । उनले भने, म भोट खसाउने दिन नोभेम्बर ११ सम्म गाउँमा बस्दिनँ । मतदान गरेर के फाइदा