काठमाण्डौ । काठमाडौं महानगरपालिकाले स्थगित गरेको खोप अभियान सोमबार अर्थात आजदेखि सुरु गरेको छ । भेरोसेल खोप अभाव भएपछि दुई दिनअघि स्थगित गरेको अभियान सोमबारदेखि मंगलबारसम्म सञ्चालन गर्ने काठमाडौं महानगरपालिकाले जनाएको छ । २५ जेठदेखि ५ दिनसम्म खोप अभियान सञ्चालन गर्ने भनेपनि खोप अभाव स्थगित गरिएको थियो । यी दुईको अवधिमा पहिलो मात्रा लगाउन छुटेका ६०–६१ वर्ष उमेर समूहका जेष्ठ नागरिकलाई खोप दिइने काठमाडौँ महानगरपालिकाको शहरी स्वास्थ्य तथा खाद्य पदार्थ नियमनका विभागीय प्रमुख हरिबहादुर कुँवरले बताएका छन् । भेरोसेल खोप उपत्यकाका चार स्थानबाट दिन सुरु गरिएको छ । खोप वीर अस्पताल, शिक्षण अस्पताल, वीरेन्द्र सैनिक अस्पताल र निजामती कर्मचारी अस्पतालबाट दिइनेछ । जेठ १ सम्म सञ्चालन हुने खोप अभियान बिहान १० बजेदेखि अपराह्न ४ बजेसम्म सञ्चालन हुनेछ ।