काठमाडौं । भोलि शनिबारका लागि प्रधानमन्त्री केपी शर्मा ओलीले सर्वदलीय बैठक आह्वान गरेका छन् । प्रधानमन्त्रीको सरकारी निवास बालुवाटारमा शनिबार ११ बजे ओलीले सर्वदलीय बैठक बोलाएको हो । यसअघि माओवादी केन्द्रका अध्यक्ष प्रचण्डसँग पनि प्रम ओलीले सर्वदलीय बैठकसम्बन्धी छलफल गरेको बताइएको छ ।

संसदको हिउँदे अधिवेशन, कोरोना महामारी र समसामयिक विषयमा छलफल गर्न प्रधानमन्त्रीले सर्वदलीय बैठक बोलाउनु भएको बताइएको छ । बैठकमा संसदमा प्रतिनिधित्व गर्ने राजनीतिक दलका शीर्ष नेताहरुको सहभागिता रहने बताइएको छ ।